November
16
/ 2023
ভাৰতত সৰু-বৰ বিভিন্ন প্ৰজাতিৰ গছ-গছনি আছে। আৰু এইখন ভাৰততে আছে বিশ্বৰ আটাইতকৈ পুৰণি গছজোপা। ৫০০ বছৰীয়া ইতিহাসৰে আজিও ভাৰতত ঠিয় হৈ আছে এই প্ৰকাণ্ড বৰগছজোপা। উত্তৰ প্ৰদেশৰ বুলন্দ চহৰত থকা এই বৰগছজোপাক লৈ বহু ধৰ্মীয় বিশ্বাস আছে।
স্থানীয় লোকসকলৰ মতে, বহু পৌৰাণিক গ্ৰন্থত এই গছজোপাৰ বিষয়ে উল্লেখ কৰা হৈছে। ঋষিমুনিসকলে এই গছজোপাৰ তলতে বহি বছৰ বছৰ ধৰি তপস্যাত মগ্ন আছিল। স্থানীয় বন বিভাগৰ অধিকাৰীসকলৰ মতে কেৱল অঞ্চলটোৰ বাসিন্দাসকলে দাবী কৰাই নহয়, পৰীক্ষাৰ দ্বাৰাও এই গছজোপা যে অতি পুৰণি সেয়া স্পষ্ট হৈছে।
