Wild

এটা ভাল খবৰ! বৃদ্ধি হ'ল কাজিৰঙা ৰাষ্ট্ৰীয় উদ্যানৰ পৰিসৰ। বিশ্বনাথ জিলাৰ মুনাবাৰী বাগিচাৰ ৪৫২ হেক্টৰ প্ৰস্তাৱিত এলেকা কাজিৰঙা ৰাষ্ট্ৰীয় উদ্যানৰ অন্তৰ্ভুক্তিৰ অনুমোদন জনালে ৰাজ্য চৰকাৰে৷ অন্তৰ্ভুক্তি সন্দৰ্ভত, মঙলবাৰে অসম চৰকাৰে এক জাননী প্ৰকাশ কৰাৰ কথা জানিবলৈ দিছে কাজিৰঙা ৰাষ্ট্ৰীয় উদ্যান কৰ্তৃপক্ষই৷ শেহতীয়াকৈ কাজিৰঙা ৰাষ্ট্ৰীয় উদ্যান কৰ্তৃপক্ষই কাজিৰঙা ৰাষ্ট্ৰীয় উদ্যানৰ বন্যপ্ৰাণীৰ সুৰক্ষাৰ হেতু সেই ভূমি প্ৰয়োজন বুলি অৱগত কৰাত অসম চৰকাৰে মুনাবাৰী বাগিচাৰ সেই ভূমি কাজিৰঙা ৰাষ্ট্ৰীয় উদ্যানৰ দশম সংযোজন হিচাপে ঘোষণা কৰে।