November
08
/ 2021
আবু ধাবিত নিউজিলেণ্ডে আফগানিস্তানক পৰাস্ত কৰাৰ পাছতে T-20 বিশ্বকাপৰ ছেমিফাইনেলৰ আশা শেষ টীম ইণ্ডিয়াৰ I
দেওবাৰে অনুষ্ঠিত খেলত আবু ধাবিত আফগানিস্তানক ৮ উইকেটত পৰাস্ত কৰি নিউজিলেণ্ডে ছেমি ফাইনেল পোৱাৰ পাচতে এই ৰেচৰ পৰা বাহিৰ হ’ল ভাৰতীয় দলটো ৷
প্ৰথমে বেট ধৰি ১২৪ ৰান সংগ্ৰহ কৰিছিল আফগানিস্তানে আৰু মাত্ৰ ২টা উইকেট হেৰুৱাই লক্ষ্যত উপনীত হয় নিউজিলেণ্ড।
ইয়াৰ পূৰ্বে ২০০৭ আৰু ২০১৬ চনত ছেমি ফাইনেলত প্ৰৱেশ কৰা নিউজিলেণ্ডে তৃতীয়বাৰৰ বাবে T20 বিশ্বকাপৰ ছেমি ফাইনেলৰ বাবে যোগ্যতা অৰ্জন কৰিছে। ইয়াৰ বিপৰীতে চতুৰ্থবাৰৰ বাবে ছেমি ফাইনেলত প্ৰৱেশৰ পৰা বঞ্চিত হয় ভাৰতীয় দলটো ৷