মৰ্মান্তিক! সমাগত বল বম, মন্দিৰলৈ যোৱাৰ পথত শ্বৰ্ট চাৰ্কিট হৈ গাড়ীতে ১০জনৰ মৃত্যু

দেওবাৰে নিশা পশ্চিম বংগৰ কুচবিহাৰত জলপেশলৈ যাত্ৰী কঢ়িয়াই নিয়া এখন পিকআপ ট্ৰাক বিদ্যুৎস্পৃষ্ট হোৱাৰ ফলত কমেও ১০ জন লোকৰ মৃত্যু হয় আৰু কেইবাজনো লোক আহত হয়।

বাতৰি অনুসৰি, আহতসকলক চাংৰাবান্ধা বিপিএইচচিলৈ অনা হয়। অৱশ্যে, উন্নত চিকিৎসাৰ বাবে, চিকিৎসা বিষয়াই ১৬ জন ৰোগীক জলপাইগুৰি জিলা চিকিৎসালয়লৈ প্ৰেৰণ কৰে।

স্থানীয় সূত্ৰ অনুসৰি জানিব পৰা মতে, গাড়ীখনত আছিল পোহৰৰ সমাহাৰ, বজোৱা হৈছিল বিশেষ ধৰণৰ ছাউণ্ড বক্স। আৰু তাৰ জেনেৰেটৰৰ ইলেকট্ৰিক লাইন শ্বৰ্ট চাৰ্কিট হৈ যায়।

ঘটনাটো নিশা ১২ বজাৰ পিছত সংঘটিত হয়। সেই সময়ত কেইবাজনো লোক গাড়ীতে শুই আছিল, একাংশ থিয় হৈ আহিছিল। এই ঘটনাত কেইবাজনো লোক আহত হয়।

জানিব পৰা মতে, মৃতলোককেইজনৰ কঁকালৰ কাষত এটাকৈ ক’লা দাগ প্ৰত্যক্ষ কৰা হৈছে। সেইবাবেই তেওঁলোকৰ শ্বৰ্ট চাৰ্কিট হৈ মৃত্যু হোৱাৰ সন্দেহ কৰিছে আৰক্ষীয়ে।

West Bengal | 10 people died & others got injured when the vehicle in which they were traveling got electrocuted in Cooch Behar.Preliminary inquiry reveals that it might be due to wiring of the generator (DJ system) which was fitted at the rear of the vehicle: Mathabhanga Addl SP pic.twitter.com/m6xhU9DtaG

— ANI (@ANI) July 31, 2022