মহাৰাষ্ট্ৰত ভয়ংকৰ পথ দুৰ্ঘটনা: মৃত্যুক সাবটিলে মেডিকেল কলেজৰ ৭জন ছাত্ৰই

মহাৰাষ্ট্ৰত ভয়ংকৰ পথ দুৰ্ঘটনা। দুৰ্ঘটনাই প্ৰাণ কাঢ়িলে ৭জন চিকিৎসা বিজ্ঞানৰ ছাত্ৰৰ। সোমবাৰে নিশা মহাৰাষ্ট্ৰৰ ৱাৰ্ধাৰ চেলচুৰাত সংঘটিত হয় এই দুৰ্ঘটনা। দলঙৰ ওপৰৰ পৰা বাগৰি খাৱৈত পৰিল এখন জাইল’ বাহন। নিহত ছাত্ৰকেইজনৰ ভিতৰত আছে বিজেপি বিধায়ক বিজয় ৰহাংদালেৰ পুত্ৰ।

মৃত্যুমুখত পৰা ৭জন ছাত্ৰ আছিল Sawangi Medical collegeৰ ছাত্ৰ। গভীৰ নিশা ভ্ৰমণৰ বাবে ওলাই গৈছিল আটাইকেইজন। বাহনৰ নিয়ন্ত্ৰণ হেৰুৱাই এখন দলঙৰ ৰেলিঙত খুন্দা মাৰি ৪০ ফুট তলৰ খাৱৈত পৰেগৈ বাহনখন। দেওবাৰে পুৱা ১.৩০ বজাত সংঘটিত হয় এই পথ দুৰ্ঘটনা।

বাহনত থকা ৭জন ছাত্ৰ থিতাতে নিহত হয়। ঘটনাৰ লগত আন কোনো বাহন জড়িত নাই বুলি উল্লেখ কৰে আৰক্ষীয়ে।

ঘটনাৰ পিছতে শোক প্ৰকাশ কৰি নিহতৰ পৰিয়াললৈ ২ লাখ টকাৰ আৰ্থিক সাহায্য দিয়াৰ কথা ঘোষণা কৰে প্ৰধানমন্ত্ৰীয়ে।

PM @narendramodi announced that Rs. 2 lakh each from PMNRF would be given to the next of kin of those who have lost their lives in the accident near Selsura. Those who are injured would be given Rs. 50,000.

— PMO India (@PMOIndia) January 25, 2022