গুৱাহাটীৰ আঠগাঁৱত চোকা অস্ত্ৰৰে অটো-ৰিক্সা চালকক আক্ৰমণ!

এজন অটো-ৰিক্সা চালকক তীক্ষ্ণ অস্ত্ৰৰে আক্ৰমণ কৰাৰ অভিযোগত গুৱাহাটীৰ আঠগাঁৱৰ কাবাদি বজাৰত ৪ নং ৰে'ল গেটৰ ওচৰত বিশ্বকৰ্মা পূজা উদযাপনৰ মাজতে চাঞ্চল্যৰ সৃষ্টি হয়।

অমিত গিৰি বুলি চিনাক্ত কৰা আহত অটো-ৰিক্সা চালকজনক সংকটজনক অৱস্থাত গুৱাহাটী চিকিৎসা মহাবিদ্যালয়ত ভৰ্তি কৰোৱা হৈছে।

মহানগৰ আৰক্ষীয়ে অভিযুক্ত অপৰাধীজন জিয়াউৰ ৰহমান বুলি জানিবলৈ দিয়ে।

উল্লেখ্য় যে আক্ৰমণটোৰ আঁৰৰ সঠিক উদ্দেশ্য এতিয়াও আৰক্ষীয়ে জানিব পৰা নাই।

ইফালে, মহানগৰ আৰক্ষীয়ে অভিযুক্ত জিয়াউৰ ৰহমান পলাতক বুলি জানিবলৈ দিয়ে আৰু অপৰাধীজনক ধৰিবলৈ তালাচী অভিযান আৰম্ভ কৰিছে অনুসন্ধান চলি আছে।