October
12
/ 2021
পূজাৰীৰ মন্ত্রোচ্চাৰণ, আয়তীৰ উৰুলি, ঢাক–ঢাক, শংখধ্বনিৰ সুললিত সমলয়ৰ মাজেৰে ষষ্ঠীৰ বেদীত প্রতিষ্ঠা কৰা হ’ল দুর্গতিনাশিনীৰ প্রতিমা৷ ইয়াৰ লগে লগে ভক্তৰ অধীৰ অপেক্ষাৰ অন্ত পৰিল আৰু ৰাজ্যজুৰি আৰম্ভ হ’ল শাৰদীয় দুর্গোৎসৱ৷
বিগত বর্ষত ক’ভিডৰ সংক্রমণৰ বাবে দুর্গাপূজা অনুষ্ঠিত কৰিব পৰা নাছিল যদিও এইবাৰ ক’ভিড পৰিস্থিতিৰ উন্নতি ঘটাৰ বাবে নির্দিষ্ট নীতি–নির্দেশনাৰ মাজেৰে দুর্গোৎসৱ আয়োজনৰ অনুমতি প্রদান কৰিছে চৰকাৰে৷
ক’ভিডকালীন পৰিস্থিতিৰ বাবে পূর্বৰ দৰে আড়ম্বৰপূর্ণভাৱে আয়োজন কৰিবলৈ সক্ষম নহ’লেও সীমিত পৰিসৰৰ মাজত ৰাজ্যৰ প্রান্তে প্রান্তে আয়োজন কৰা হৈছে দুর্গোৎসৱ৷