একেলগে ৪৯ জনক মৃত্যুদণ্ড আৰু ২৮ জনক যাৱজ্জীৱন কাৰাদণ্ড। সবিশেষ জানো আহক

বৃহস্পতিবাৰে আলজেৰিয়াৰ এখন আদালতে যোৱা বছৰ অৰ্থাৎ শিল্পী জামেল বেন ইছমাইলৰ নিৰ্মম হত্যাকাণ্ডৰ ৰায়দান প্ৰদান কৰে। আলজেৰিয়াৰ ন্যায়পালিকাই জামেল বেন ইছমাইলক জীয়াই জ্বলাই দিয়া আৰু তেওঁৰ শৰীৰ বিকৃত কৰাৰ অভিযোগত অভিযুক্ত ৪৯ জন লোকৰ বিৰুদ্ধে মৃত্যুদণ্ড জাৰি কৰে। ১০২ জনৰ ভিতৰত ১৭জনক নিৰ্দোষ সাব্যস্ত কৰে। আনহাতে বাকীসকলক ৫-১০ বছৰলৈকে কাৰাদণ্ড বিহে। অৱশ্যে, আলজেৰিয়া প্ৰেছ চাৰ্ভিচ (এপিএছ)ৰ মতে, মৃত্যুদণ্ডৰ ওপৰত দেশখনে স্থগিতাদেশ দিয়াৰ বাবে শাস্তি আজীৱন কাৰাদণ্ডলৈ হ্ৰাস কৰা হ’ব।

উল্লেখ্য যে , ২০২১ চনৰ আগষ্ট মাহত ৩৮ বছৰীয়া জামেল বেন ইছমাইল নামৰ এজন গায়কে স্বেচ্ছাই দেশৰ উত্তৰ-পশ্চিমৰ টিজি ওজুৰ এখন চহৰলৈ গৈছিল যাতে এসপ্তাহত কমেও ৯০ জন লোকৰ মৃত্যু হোৱা বনজুই নুমুৱাবলৈ সহায় কৰে।যেতিয়া তেওঁ গম পালে যে চহৰখনৰ কিছুমান বাসিন্দাই তেওঁক জুই লগোৱাত জড়িত থকাৰ সন্দেহ কৰিছিল কিয়নো তেওঁ অঞ্চলটোৰ বাবে অচিনাকি আছিল, তেওঁ নিজকে আৰক্ষীৰ হাতত দিবলৈ দৌৰি গৈছিল, অৱশ্যে, খঙাল নাগৰিকৰ এক বৃহৎ ভিৰে তেওঁক আৰক্ষীৰ হাতৰ পৰা কাঢ়ি লৈ ছিল, অত্যাচাৰ কৰিছিল, তেওঁক জীৱিত জ্বলাই দিছিল আৰু তেওঁৰ শৰীৰ টো বিকৃত কৰিছিল।

১৯৯৩ চনৰ পৰা আলজেৰিয়াত মৃত্যুদণ্ড কাৰ্যকৰী কৰাৰ ওপৰত স্থগিতাদেশ প্ৰয়োগ কৰা হৈছে। এই ক্ষেত্ৰত, আলজেৰিয়ান পাব্লিক প্ৰচিকিউশ্যনে বেন ইছমাইলৰ হত্যাত অংশগ্ৰহণ কৰাৰ অভিযোগত অভিযুক্ত ৭০ জনৰো অধিক লোকৰ বিৰুদ্ধে মৃত্যুদণ্ড দাবী কৰিছিল। ছ’চিয়েল মিডিয়াত প্ৰচাৰিত কিছুমান ভিডিঅ’ত দেখা গৈছিল যে বেন ইছমাইলক ৰখা আৰক্ষীৰ গাড়ীখনৰ চাৰিওফালে ভিৰ হৈছিল, তেওঁলোকে তাৰ পিছত তেওঁক টানি বাহিৰলৈ টানি নিছিল আৰু তেওঁক মাৰপিট কৰিবলৈ আৰম্ভ কৰিছিল। বিচাৰৰ সময়ত, বিৰোধীসকলে ছ’চিয়েল মিডিয়া প্লেটফৰ্মত প্ৰকাশ কৰা ভিডিঅ’বোৰ ভয়ানক অপৰাধৰ বিৱৰণ দেখুৱাই উপস্থাপন কৰা হৈছিল। ভিডিঅ’বোৰত দেখুওৱা হৈছিল যে কেনেকৈ জামাল বেন ইছমাইলক অত্যাচাৰ কৰা হৈছিল, জীয়াই জ্বলাই দিয়া হৈছিল আৰু কেনেকৈ তেওঁৰ মোবাইল ফোনকে ধৰি তেওঁৰ সকলো ব্যক্তিগত সামগ্ৰী চুৰি কৰা হৈছিল।