মূলসুঁতিলৈ উভতি আহিল DNLAৰ ৬৭জন নেতা–কেডাৰ, কাৰ্বি আংলঙত অস্ত্ৰ সম্বৰণ অনুষ্ঠান

হিৰম্বাৰাজি ৰাজ্যৰ দাবীত গঠন হোৱা DNLA উগ্ৰপন্থী সংগঠনৰ দ্বিতীয়তো দলে আজি অস্ত্ৰসম্বৰন কৰে। উক্ত অস্ত্ৰ সম্বৰন উপলক্ষে কাৰ্বি আংলং আৰু নাগালেণ্ড সীমান্তৱৰ্তী ধনশিৰি অঞ্চলত এক আদৰণি অনুষ্ঠান অনুষ্ঠিত কৰা হয়। আদৰণি অনুষ্ঠানত ADGP হীৰেন নাথ, মধ্য অসমৰ DIG সত্যৰাজ হাজৰিকা, কাৰ্বি স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাং আদি উপস্থিত থাকে।

উক্ত অনুষ্ঠানতে বনাঞ্চল এৰি মূলসুঁতিলৈ উভতি অহা ৬৭ গৰাকী DNLA উগ্ৰপন্থী সংগঠনৰ নেতা–কেডাৰে অস্ত্ৰ সম্বৰণ কৰে। অস্ত্ৰ সম্বৰণ কৰা নেতা–কেডাৰে ৯টা পিষ্টল, ২টা এ কে ছিৰিজৰ ৰাইফলসহ ২০টা মাৰণাস্ত্ৰ আৰু ৩৪১জাঁই গুলী জমা দিয়ে।

Committing themselves to the dream of Hon PM & Hon HM of progressive and peaceful Assam, I am glad to share that 67 cadres of DNLA laid down weapons today at Dhansiripar, Karbi Anglong in presence of @TuliramRonghang, CEM, KAAC & others.@narendramodi @AmitShah pic.twitter.com/uwyruOv0fo

— Himanta Biswa Sarma (@himantabiswa) December 23, 2021

উল্লেখযোগ্য যে ইয়াৰ পূৰ্বেও ডিমা হাছাও জিলাৰ মাইবঙত  প্ৰায় এমাহ পূৰ্বে ৪৬ কেডাৰে অসম চৰকাৰৰ ওচৰত অস্ত্ৰ সম্বৰন কৰিছিল। DNLA উগ্ৰপন্থী সংগঠনৰ বাকী থকা নেতা–কেডাৰে জানুৱাৰী মাহত ওলাই আহিব বুলি সংগঠনৰ নেতাই প্ৰকাশ কৰিছে। ইফালে, সংগঠনৰ নেতা–কেডাৰে অস্ত্ৰ সম্বৰন কৰাত পাহাৰীয়া জিলা দুখনত স্থায়ী শান্তি ঘূৰি অহাৰ সম্ভাৱনা প্ৰকাশ কৰে তুলিৰাম ৰংহাঙে।