‘ৰেমল’ৰ তাণ্ডৱ! ঢেকিয়াজুলিত চলন্ত স্কুলবাছৰ ওপৰত বাগৰি পৰিল প্ৰকাণ্ড গছ, আহত কেইবাগৰাকী শিক্ষাৰ্থী....

ৰাজ্যৰ প্ৰান্তে প্ৰান্তে অব্যাহত আছে সামুদ্ৰিক ঘূৰ্ণি ‘ৰেমল’ৰ তাণ্ডৱ!  ‘ৰেমল’ৰ বাবেই ঢেকিয়াজুলিত সংঘটিত হৈছে এক ভয়ংকৰ ঘটনা। বিগত দুদিন ধৰি ৰাজ্যৰ কেইবাখনো জিলাত নেৰানেপেৰা বৰষুণ। বতাহ-ধুমুহাৰ তাণ্ডৱ অব্যাহত থকাৰ সময়তে ঢেকিয়াজুলিত চলন্ত স্কুলবাছৰ ওপৰত বাগৰি পৰিল প্ৰকাণ্ড গছ।

জানিব পৰা মতে, গছ বাগৰি আহত বাছখনৰ ৭ গৰাকীকৈ ছাত্ৰ–ছাত্ৰী। ঢেকিয়াজুলিৰ চেন্ট উৰচলা উচ্চ মাধ্যমিক বিদ্যালয়ৰ প্ৰৱেশদ্বাৰত এই ঘটনাটো সংঘটিত লগতে আহত ছাত্ৰ-ছাত্ৰীকেইজনক ঢেকিয়াজুলি মনবৰ নাথ সামূহিক চিকিৎসালয়লৈ প্ৰেৰণ কৰা হৈছে বুলি জানিব পৰা গৈছে।

আনহাতে, ৰাজ্যৰ প্ৰান্তে প্ৰান্তে অব্যাহত আছে ধুমুহা-বৰষুণৰ তাণ্ডৱ! বৰ্তমান ৰাজ্যৰ ৭খনকৈ জিলাত ৰেড এলাৰ্ট জাৰি কৰিছে বতৰ বিজ্ঞান কেন্দ্ৰই। ‘ৰেমল’ৰ বাবে মহানগৰীৰ ভিন্ন প্ৰান্তত বিস্তৰ ক্ষতি-সাধন হোৱাৰ খবৰ আহি পৰিছে।