দুৰ্গা পূজাৰ মন্দিৰ দৰ্শন কৰি সকলোকে পূজাৰ শুভেচ্ছা জ্ঞাপন বাংলাদেশৰ প্ৰধানমন্ত্ৰীৰ.......

সংহতিৰ পৰিচয় দি বাংলাদেশৰ প্ৰধানমন্ত্ৰী শ্বেখ হাচিনাই ঢকেশ্বৰী ৰাষ্ট্ৰীয় মন্দিৰ ভ্ৰমণ কৰি বাংলাদেশৰ হিন্দু সম্প্ৰদায়ৰ লোকসকলক দুৰ্গা পূজাৰ শুভেচ্ছা জনাই।

ঢাকাৰ দক্ষিণ চহৰ নিগমৰ মেয়ৰ ফাজলে নুৰ তাপোশ আৰু বাংলাদেশ পূজা উদযাপন পৰিষদ সমিতিৰ বিশিষ্ট ব্যক্তিসকলৰ সৈতে প্ৰধানমন্ত্ৰী গৰাকীয়ে হিন্দু সম্প্ৰদায়ৰ প্ৰতি আৱামী লীগে ধাৰাবাহিকভাৱে সমৰ্থন আগবঢ়োৱাৰ ওপৰত আলোকপাত কৰি এই কথাত গুৰুত্ব আৰোপ কৰে। 

আনহাতে, প্ৰধানমন্ত্ৰীয়ে বাংলাদেশৰ মুকলি মনৰ আৰু ধৰ্মনিৰপেক্ষ মূল্যবোধৰ ওপৰত গুৰুত্ব আৰোপ কৰি ধৰ্ম নিজ নিজ অনুগামীৰ হোৱাৰ বিপৰীতে উৎসৱ সকলোৰে বাবে বুলি ঘোষণা কৰে। লগতে সমগ্ৰ দেশতে শান্তিপূৰ্ণভাৱে দুৰ্গা পূজা উদযাপন কৰাত সন্তুষ্টি প্ৰকাশ কৰি আইন প্ৰয়োগকাৰী সংস্থাসমূহৰ নিষ্ঠা আৰু তেওঁৰ চৰকাৰৰ প্ৰচেষ্টাক ইয়াৰ কৃতিত্ব প্ৰদান কৰে।