November
07
/ 2021
ৰাজধানী দিল্লী এতিয়া ধুনীয়া নহয়। কিয়নো এতিয়া প্ৰদূষণেৰে ছানি ধৰিছে দেশৰ ৰাজধানী দিল্লী।
দীপাৱলী উদযাপনৰ দুদিন পিছতো প্ৰদূষণে লগ এৰা নাই দিল্লীক। দীপাৱলী উপলক্ষে জ্বলোৱা ফটকা, আতচবাজিৰ ধোঁৱাই আজি পৰ্যন্ত আৱৰি ৰাখিছে দিল্লীৰ চৌপাশ।
বায়ু প্ৰদূষণৰ ফলত বিপদত পৰিছে দিল্লীবাসী। চকুৰ জ্বলা-পোৰা, শ্বাস-প্ৰশ্বাসজনিত সমস্যা, কাহ, বুকুৰ বিষত ভুগিছে দিল্লীৰ জনতাই।
প্ৰতি বছৰৰ দৰে এইবাৰো দিল্লীত দীপাৱলীৰ সময়ত ফটকা, আতচবাজি ফুটোৱা হৈছিল যদিও এইবাৰ যেন ৰুষ্ট হৈ পৰিল প্ৰকৃতি। যাৰবাবে দিল্লীৰ বায়ুমণ্ডল ভৰি পৰিছে বিষাক্ত ধোঁৱাৰে।