অভিনেতা চনু ছুডৰ মহানুভৱতা! অসমৰ যুৱকক দিলে দুখন হাত

দৰিদ্ৰৰ কাষত সদায়েই থাকে জনপ্ৰিয় অভিনেতা চনু ছুড। এইবাৰ অসমৰ যুৱকক আগবঢ়ালে সহায়ৰ হাত। এটি দুৰ্ঘটনাত চিৰদিনৰ বাবে বাবে দুয়োখন হাত হেৰুৱাই অমানিসা নামি অহা শিৱসাগৰৰ ৰাজু আলীৰ দুহাত পুনৰ শৰীৰত সংযোগ হ'ল বলীউডৰ জনপ্ৰিয় অভিনেতা চনু ছুডৰ বদান্যতাত। শিৱসাগৰৰ ৰাজু আলী নামৰ এজন দুযোখন হাত নথকা ব্যক্তিয়ে প্ৰায় তিনি লাখ টকাৰ মূল্যৰ দুখনকৈ বৈদ্যুতিক চাৰ্জিং হাত লাভ কৰা ঘটনা সৰ্বাধিক চৰ্চাৰ বিষয় হৈ পৰিছে। উল্লেখ্য যে শিৱসাগৰ ষ্টেচন চাৰি আলিৰ স্থায়ী নিবাসী ৰাজু আলী পেছাত এগৰাকী গাড়ীচালক। প্ৰায় ৫৭ বছৰীয়া ৰাজু আলীয়ে আজিৰ পৰা কেইটামান বছৰৰ পূৰ্বে সংঘটিত এক ভয়ানক দুৰ্ঘটনাত কিলাকুটিৰ তলতেই দুয়োখন হাত হেৰুৱাইছিল। প্ৰায় ডেৰ বছৰ চিকিৎসাধীন হৈ থকাক পিছত চিকিৎসালয়ৰ পৰা সুস্থ হৈ ঘৰলৈ উভতিছিল যদিও ৰাজু আলী হৈ পৰিছিল শাৰীৰিকভাৱে সম্পূৰ্ণ অক্ষম। অৱশেষত ৰাজু আলী কাষ চাপিল অভিনেতা চনু ছুডৰ। ২৬ অক্টোবৰত অকলেই ৰে'ল যাত্ৰা কৰি মুম্বাই পালেগৈ ৰাজু আলী। চনু ছুডে পলম নকৰি ৰাজু আলীৰ বাবে দুখন বৈদ্যুতিক চাৰ্জাৰযুক্ত দুখন হাতৰ ব্যৱস্থা কৰে। অভিনেতা চনু ছুডে আকৌ এবাৰ প্ৰমাণ কৰে যে তেখেত সচাকৈয়ে দৰিদ্ৰৰ ভগৱান।