টোপনি যোৱাত সমস্যা হৈছে নেকি ? তেন্তে এইটো কৰক মাত্ৰ ২ মিনিটৰ ভিতৰতে আহিব আপোনাৰ টোপনি..

সাধাৰণতে প্ৰতিদিনে ৬ৰ পৰা ৮ ঘণ্টা টোপনিয়ে শৰীৰটো স্বাস্থ্যৱান ৰখাত সহায় কৰে।

কিন্তু কামৰ চাপৰ বাবে বা অন্য় কোনো কাৰণত প্ৰায়ে টোপনিৰ সমস্যা হোৱা দেখা হয়। বিছনালৈ যোৱাৰ লগে লগে যদি টোপনি আহে তেন্তে টোপনি যোৱাটো সহজ হ'লহেঁতেন বুলি বহুলোকে ভাবে।

যিসকলে শুবলৈ পলম কৰে, বা ৰাতি বহু দেৰিলৈ টোপনি নাহে তেওঁলোকে এই পদ্ধতি গ্ৰহণ কৰিব পাৰে।

মিলিটাৰী শ্লিপ পদ্ধতি

এই পদ্ধতি হৈছে এক জনপ্ৰিয় পদ্ধতি যিয়ে টোপনি যোৱাত সহায় কৰে। ১৯৮১ চনত আমেৰিকা যুক্তৰাষ্ট্ৰৰ নৌসেনাৰ বাবে বিকশিত এই পদ্ধতিৰ বিষয়ে আলোচনা কৰা হৈছে। দাবী কৰা হৈছে যে এই পদ্ধতিটোৱে ২ মিনিটৰ ভিতৰত মানুহক টোপনি অহাত সহায় কৰিব পাৰে। 

প্ৰথমে, বিচনাত শুই থকাৰ পিছত আপুনি মূৰৰ পৰা ভৰিলৈকে শিথিল হ'ব লাগিব। এই শিথিলতা কপালৰ পেশীৰ পৰা শৰীৰৰ তলুৱালৈ কৰিব লাগিব। 

যদি এনে লাগে যে বহুতো চিন্তা মূৰত নিৰন্তৰ ভিৰ হৈ থাকে, তেনেহ'লে আপুনি মূৰটো পৰিষ্কাৰ কৰিবলৈ বাৰে বাৰে 'চিন্তা নকৰিব' বাক্যাংশটো ক'ব পাৰে।

আপুনি আপোনাৰ উশাহ প্ৰক্ৰিয়া নিয়ন্ত্ৰণ কৰিব লাগিব। শৰীৰে শিথিল হ'ব লাগিব। শৰীৰ আৰু চেতনাক শান্তি দিয়াটোও প্ৰয়োজনীয় তেনে কৰিলে আপুনি সহজে শুই যাব পাৰিব।