November
08
/ 2021
জুইৰ ওপৰত উতলি আছে এখন কেৰাহী ভৰ্তি তেল। জুইৰ প্ৰচণ্ড উত্তাপত উতলি থকা তেল ওফৰি আহি ভুলবশতঃ যদি আপোনাৰ হাতখনত পৰে তেতিয়া আপুনি কি কৰিব? গৰম তেল গাত পৰিলে অসহ্য অনুভৱ হোৱাটোয়েই স্বাভাৱিক কথা।
কিন্তু গৰম তেলত হাত জুবুৰিয়াই এতিয়া এজন লোকে লাভ কৰিছে ব্যাপক চৰ্চা। আচৰিত যেন লাগিলেও এনে এটা আচৰিত ভিডিঅ’ই এতিয়া খলকনি তুলিছে ছ’চিয়েল মিডিয়াত। জয়পুৰৰ আলী চিকেন চেন্টাৰত উতলি থকা গৰম তেলত হাত জুবুৰিয়াইছে এজন লোকে।
ভিডিঅ’টো দেখিলে যিকোনো মানুহৰে গাৰ নোম শিয়ৰি উঠিব। জয়পুৰৰ পদপথত থকা এখন দোকানত এজন ব্যৱসায়ীয়ে হেতা ব্যৱহাৰ নকৰাকৈ উতলি থকা তেলৰ পৰা হাত জুবুৰিয়াই উলিয়াইছে ভজা মাংসৰ টুকুৰা।
আনকি গৰম তেলৰ পৰা ভজা কুকুৰাৰ মাংসৰ টুকুৰা উলিয়াই মচলাও চটিয়াইছে ব্যৱসায়ীজনে।
Category
- Log in to post comments
