দুৰ্গা পূজালৈ মাজত মাথোঁ কেইটামান দিন! এইবাৰ মা দুৰ্গাই ধৰাৰ বুকুলৈ কিহত আগমন কৰিব, গমন কিহত কৰিব? সেই বিষয়ে জানো আহক........

শৰৎ মানেই যেন পূজাৰ বতৰা। দুৰ্গা পূজাৰ প্ৰস্তুতিক লৈ এতিয়া সকলো ব্যস্ত। আৰু মাজত মাত্ৰ এটা মাহ বাকী। তাৰ পাছতে সকলোতে পূজাৰ আনন্দত উখল-মাখল পৰিৱেশে বিৰাজ কৰিব। 

এইবাৰ মা দুৰ্গাই ধৰাৰ বুকুলৈ কিহত আহিব, আৰু গমন কিহত কৰিব?

পঞ্জিকা মতে, এইবাৰ দেৱী দুৰ্গাৰ আগমন আৰু গমন দুয়োটাই  হ’ব ঘোঁৰাত। পঞ্জিকা মতে যাৰ অৰ্থ হ’ল ‘ছত্ৰভংগ’। 

দুৰ্গা পূজাৰ ষষ্ঠী : এইবাৰ দুৰ্গা পূজাৰ ষষ্ঠী পৰিছে ২০ অক্টোবৰ, শুকুৰবাৰ। সেইদিনা পুৱা মা দুৰ্গাৰ ষষ্ঠ্যদিকল্পনাৰম্ভ আৰু ষষ্ঠীৰ বিহিত পূজা হ’ব। সন্ধিয়া দেৱী দুৰ্গাৰ বোধন, আমন্ত্ৰণ আৰু অধিবাস হ’ব।

দুৰ্গা পূজাৰ সপ্তমী : ২১ অক্টোবৰ, শনিবাৰ দুৰ্গা পূজাৰ সপ্তমী। সেইদিনী দুৰ্গা দেৱীৰ নৱপত্ৰিকা প্ৰৱেশ, স্থাপন, সপ্তম্যাদিকল্পাৰম্ভ আৰু পূজা প্ৰশস্তা হ’ব। দেৱীৰ অৰ্ধৰাত্ৰ বিহিত পূজা হ’ব সপ্তমীত।

দুৰ্গা পূজাৰ অষ্টমী : ২২ অক্টোবৰ, দেওবাৰ) অষ্টমী। সেইদিনা দুৰ্গা দেৱীৰ মহাষ্টম্যাদী কল্পাৰম্ভ আৰু কেৱল মহাষ্টমীকল্পাৰম্ভ আৰু মহাষ্টমীৰ বিহিত পূজা হ’ব। সেই দিনা হ’ব সন্ধি পূজা। বলিদানো হ’ব।

দুৰ্গা পূজাৰ নৱমী : ২৩ অক্টোবৰ, সোমবাৰ)ত পৰিছে নৱমী। সেইদনা মহানৱমীকল্পাৰম্ভ মহা নৱমীৰ বিহিত পূজা হ’ব। দেৱীৰ নৱৰাত্ৰিক ব্ৰত সমাপ্ত হ’ব মহা নৱমীত।

দুৰ্গা পূজাৰ বিজয়া দশমী : ২৪ অক্টোবৰ, মঙলবাৰ বিজয়া দশমী। সেইদিনা দেৱী দুৰ্গাক বিদায় জনোৱা হ’ব। দুৰ্গা দেৱীৰ দশমীৰ বিহিত পূজা সমাপনৰ অন্তত নিৰঞ্জন প্ৰশস্তা। নিৰঞ্জনৰ পিছত অপৰাজিতা পূজা। লগে লগে আৰু এটা বছৰৰ অপেক্ষাৰে ভক্তগণে বিদায় জনাব মা দুৰ্গাক।