শোকাৱহ ঘটনা, পেৰাছেইলিংৰ পৰা পৰি যুৱকৰ মৃত্যু!

তিনিচুকীয়াত শোকাৱহ ঘটনা। পেৰাছেইলিংৰ পৰা পৰি এজন লোকৰ মৃত্যু।

এই ঘটনা গুজিয়ানৰ ডিব্ৰু নৈৰ সমীপৰ স্কাইলেণ্ড ৰিজ’ৰ্টত সংঘটিত হয়। খবৰ অনুসৰি, পেৰাছেইলিংৰ পৰা সৰি পৰাত ঘটনাস্থলীতে মৃত্যু হয় লোকজনৰ। মৃত্যু পংকজ গগৈৰ ঘৰ লখিমপুৰৰ নাওবৈছাত। 

উল্লেখযোগ্য যে, অবৈধ পেৰাছেইলিংৰ অভিযোগ আছে স্কাইলেণ্ডৰ বিৰুদ্ধে, প্ৰশাসনে বন্ধ কৰাৰ পিছতো চলি আছে স্কাইলেণ্ড ৰিজ’ৰ্ট।

আনহাতে, পেৰাছেইলিংৰ পৰা মৃত্যু হোৱাৰ ঘটনা এয়া প্ৰথম নহয়। ১০ জানুৱাৰীত হিমাচল প্ৰদেশৰ বীৰ বিলিং পেৰাছেইলিংৰ ছাইটত ঋষভ ত্ৰিপাঠী নামৰ এটি ১২ বছৰীয়া কিশোৰৰ মৃত্যু হৈছিল পেৰাছেইলিংৰ পৰা পৰি।