Junior Rekha

এগৰাকী বিশেষ মহিলা, যাক কোৱা হয় জুনিয়ৰ ৰেখা। দেখাত সাইলাখ ৰেখাৰ দৰেই মহিলাগৰাকী। তেওঁৰ সাজপাৰ, নৃত্য সকলোবোৰ ৰেখাৰ দৰে হোৱাৰ বাবেই সকলোৱে মৰমতে তেওঁক নাম দিছে পূজা শৰ্মা ৰেখা। বছৰ বছৰ ধৰি মুম্বাইৰ মহিলা লোকেল ট্ৰেইনত মাত্ৰ এটকাৰ বিনিময়ত নৃত্য কৰি সকলোকে আমোদ দি আহিছে এই জুনিয়ৰ ৰেখাই ।

বহুতৰে মাজত এটি পৰিচিত নাম জুনিয়ৰ ৰেখা হৈছে এগৰাকী কিন্নৰ। পিছে পূজা হৈছে আন কিন্নৰতকৈ কিছু ব্যতিক্ৰম। আন কিন্নৰে যিদৰে হাত তালি মাৰি ভিক্ষা খোজে, পূজাই তাৰ বিপৰীতে সকলোকে নমস্কাৰ জনাই নিজৰ নৃত্য প্ৰদৰ্শন কৰে আৰু যি সকল লোকে তেওঁৰ নৃত্য ভাল পায়, তেওঁলোকক মাত্ৰ এটকা দিবলৈ অনুৰোধ কৰে।