February
17
/ 2022
এফালে বিবাহৰ উখল-মাখল পৰিৱেশ, আনফালে কান্দোনৰ ৰোল।বিবাহৰ হালধি অনুষ্ঠানত হাঁহি-স্ফূৰ্তি কৰি থাকোতেই আকস্মিকভাৱে প্ৰাণ হেৰুৱালে ১৩জন লোকে। উত্তৰপ্ৰদেশৰ কুশীনগৰত সংঘটিত হৈছে এই শোকাৱহ ঘটনা।
কুশীনগৰ জিলাৰ নৌৰংগীয়া স্কুল টোলাত এখন বিবাহৰ হালধি অনুষ্ঠান চাই থকাৰ সময়তে শিশুসহ কুঁৱাত বাগৰি পৰে কেইবাগৰাকী মহিলা। কুঁৱাৰ ওপৰত লগোৱা লোহাৰ জালত উঠি থকাৰ সময়তে কুঁৱাত বাগৰি পৰে ১৩জন লোক, আনহাতে, তিনিগৰাকী মহিলা গুৰুতৰভাৱে আঘাতপ্ৰাপ্ত হয়। বিবাহৰ ৰং-ৰহইছৰ মাজতে সংঘটিত হোৱা এই ঘটনাত বহুতেই হেৰুৱালে নিজৰ আপোনজন। কোনোবাই যদি নিজৰ পত্নী, কোনোবাই ভগ্নী আৰু আন কোনোবাই হেৰুৱালে নিজৰ সন্তান।