'ৰাহুল অত্যন্ত ভাল ক্ৰিকেটাৰ৷ মই ভাবো, ৰাহুলে খুব ভাল বেটিং কৰিছে.......' কে এল ৰাহুলৰ ওপৰত এতিয়াও আশা প্ৰশিক্ষক ৰাহুল দ্ৰাবিড়ৰ

অষ্ট্ৰেলিয়াত হৈ থকা টি ২০ ত ভাল প্ৰদৰ্শন দেখুৱাব পৰা নাই ক্ৰিকোটাৰ কে এল ৰাহুলে। কে এল ৰাহুলৰ এই প্ৰদৰ্শন দেখি সুখী হোৱা নাই ক্ৰিকেট অনুৰাগী। কিন্তু ভাৰতীয় দলৰ প্ৰশিক্ষক ৰাহুল দ্ৰাৱিড়ে এতিয়াও কে এল ৰাহুলৰ ওপৰত আস্থা ৰাখিছে৷ ইংগিত দিছে যে কাইলৈও বাংলাদেশৰ বিৰুদ্ধে অপেনিং কৰিবলৈ খেলপথাৰত নামিব ক্ৰিকেটাৰ গৰাকী।‘ৰাহুল অত্যন্ত ভাল ক্ৰিকেটাৰ৷ মই ভাবো, ৰাহুলে খুব ভাল বেটিং কৰিছে৷ কিন্তু টি টুৱেণ্টিত এইধৰণৰ ঘটনা হ’ব পাৰে৷ অপেনিং কৰা সহজ নহয়৷ এইদৰে কাৰো সমালোচনা কৰা উচিত নহয়৷ এইবাৰৰ বিশ্বকাপ বেটাৰৰ বাবে কঠিন৷ প্ৰস্তুতিমূলক মেচখনত পেট কামিন্স, মিচেল ষ্টাৰ্কৰ বিৰুদ্ধে ৰাহুলে খুব ভাল বেটিং কৰিছিল৷ আশা কৰো পৰৱৰ্তী মেচখনত তেওঁৰ বেটলৈ ৰাণ আহিব৷’- কে এল ৰাহুল সম্পৰ্কত ৰাহুল দ্ৰাৱিড়ে এইদৰে কয়। কে এল ৰাহুলে কাইলৈ খেলত বাংলাদেশৰ বিৰুদ্ধে কেনেকুৱা প্ৰদৰ্শন কৰে সেইয়া হ'ব লক্ষনীয়।