গুৱাহাটীত পুনৰ বাঘৰ তাণ্ডৱ! পাণ্ডুত নাহৰফুটুকীৰ আক্ৰমণত এগৰাকী মহিলা আহত

মঙলবাৰে মহানগৰীৰ পাণ্ডুত এগৰাকী মহিলাক নাহৰফুটুকী বাঘে আক্ৰমণ কৰে।

আক্ৰমণৰ সময়ত মহিলাগৰাকী গুৰুতৰভাৱে আঘাতপ্ৰাপ্ত হয় আৰু যাৰফলত তেওঁক ততাতৈয়াকৈ গুৱাহাটী চিকিৎসা মহাবিদ্যালয়লৈ প্ৰেৰণ কৰা হয়।

উল্লেখ্য় যে, আঘাতপ্ৰাপ্ত হোৱা মহিলাগৰাকী মঞ্জু ভট্টাচাৰ্য বুলি চিনাক্ত কৰা হৈছে।

জানিব পৰা মতে, নাহৰফুটুকী বাঘটোৱে পাণ্ডুৰ এটা ৰে'ল কোৱাৰ্টাৰত আশ্ৰয় লৈ আছিল। এঘণ্টাৰো অধিক সময় ধৰি অঞ্চলটোত সন্ত্ৰাস সৃষ্টি কৰাৰ পিছত, অসম বন বিভাগে নাহৰফুটুকী বাঘটো উদ্ধাৰ কৰে।

টুইটাৰযোগে বন বিভাগে লিখে, "গুৱাহাটীৰ পাণ্ডুৰ লোকো কলনীত বিপথগামী হোৱা এটা নাহৰফুটুকী বাঘসফলভাৱে উদ্ধাৰ কৰা হৈছে।"

A leopard that had strayed into the Loco Colony of Pandu, Guwahati has been successfully rescued.@CMOfficeAssam @ParimalSuklaba1 @ntca_india @assamzoo @amit62sahai @mkyadava pic.twitter.com/YOYZVTkYj2

— Assam Forest Department (@assamforest) April 19, 2022

নাহৰফুটুকী বাঘটোক এতিয়া চিকিৎসাৰ বাবে অসম ৰাজ্যিক চিৰিয়াখানালৈ লৈ যোৱা হৈছে।