অসম উপ-নিৰ্বাচন আপডেট: ১ বজালৈকে ৫১.৬৫ শতাংশ ভোট সম্পন্ন

৫১.৬৫ শতাংশতকৈও অধিক ভোটাৰে শনিবাৰে দুপৰীয়া ১ বজালৈকে গোসাইগাঁও, ভৱানীপুৰ, তামুলপুৰ, মৰিয়নি আৰু থাওৰাৰ পাঁচটা সমষ্টিত ভোটদান কৰে, বৰ্তমানেও ভোটদান প্ৰক্ৰিয়া চলি আছে।

প্ৰতিবেদন অনুসৰি, দুপৰীয়া ১ বজালৈকে ভৱানীপুৰত সৰ্বাধিক ভোটদান হৈছে – ৬২ শতাংশ, গোসাইগাঁও-৫৮ শতাংশ, থৌৰা-৫৫ শতাংশ, তামুলপুৰ- ৪৮ শতাংশ, মৰিয়নি- ৩৬ শতাংশ।  

সৰ্বাধিক সংখ্যক ভোটাৰ থকা সমষ্টিটো হৈছে তামুলপুৰ এলএচি, যাৰ ভোটাৰ  ২, ১৭,৪৩২ জন। সৰ্বনিম্ন সংখ্যক ভোটাৰ থকা সমষ্টিটো হৈছে থাওৰা, যত আছে ১,১৫,৯৭১ জন ভোটাৰ ।

নিৰ্বাচন আয়োগৰ মতে, ৭,৯৬,৪৫৬ জন সাধাৰণ ভোটাৰে ভোটাধিকাৰ সাব্যস্ত কৰিব, যাৰ ভিতৰত ৪,০৩,৩৭৪ জন পুৰুষ; ৩,৯৩,০৭৮ গৰাকী মহিলা আৰু ৪ গৰাকী ট্ৰেন্সজেণ্ডাৰ। ইয়াৰ উপৰিও, ৩,১৬৫ জন সেৱা ভোটাৰ আছে। ৮, ৮৬৪ জন ভোটাৰৰ বয়স ৮০বছৰৰ অধিক আৰু ৪,৯৯৮জন পিডব্লিউডি শ্ৰেণীৰ অন্তৰ্গত।

মুঠ ৩১জন প্ৰাৰ্থী নিৰ্বাচনত অৱতীৰ্ণ হৈছে, যাৰ ভিতৰত প্ৰতিটো গোসাইগাঁও আৰু ভবানীপুৰ এলএচিত আঠজন, তামুলপুৰত ছয়জন, মৰিয়নিত চাৰিজন আৰু থাওৰা এলএচিত পাঁচজন।

পাঁচটা সমষ্টিৰ ভোটদান প্ৰক্ৰিয়া পুৱা ৭ বজাত আৰম্ভ হৈছিল আৰু সন্ধিয়া ৫ বজালৈকে চলিব।

উপ-নিৰ্বাচনৰ বাবে ভাৰতীয় নিৰ্বাচন আয়োগে (ইচিআই) লাইভ নিৰীক্ষণ আৰু ৱেবকাষ্টিং সঁজুলি ব্যৱহাৰ কৰিছে। ইচিআইৰ নিৰ্দেশনা অনুসৰি, অসমৰ মুখ্য নিৰ্বাচনী বিষয়া আৰু জিলা নিৰ্বাচন বিষয়াক নিৰ্বাচন কেন্দ্ৰসমূহৰ নিৰীক্ষণৰ বাবে নিয়োগ কৰা হৈছিল।

পাঁচোটা সমষ্টিতে ৱেবকাষ্টিং কৰা হৈছে; ইয়াৰে ২৮৫ টা গোসাঁইগাঁৱত, ২১৩ টা ৪১-ভাবানীপুৰত, ৩২২ জন ৫৮-তামুলপুৰত, ১৮৩ টা ১০১-মৰিয়নীত আৰু ১০৭-থাওৰা সমষ্টিত ১৭৩ টা।