মামাক চাবলৈ হেতা-ওপৰা! বেৰিকেড ভাঙি ৫ মহিলাসহ আহত কেইবাজনো.......

হাইলাকান্দিত মুখ্যমন্ত্ৰীৰ অনুষ্ঠানত অঘটন। মুখ্যমন্ত্ৰী হিমন্ত বিশ্ব শৰ্মাক চাবলৈ হেতাওপৰা লাগিল ৰাইজৰ। আৰক্ষীৰ বেৰিকেড ভাংগি ওলাই আহিল ৰাইজ। ৰাইজক নিয়ন্ত্ৰণ কৰাৰ বাবে বলপ্ৰয়োগ আৰক্ষীৰ। ৰাইজৰ হেতা–ওপৰাত আহত ৫ গৰাকী মহিলাসহ কেইবাগৰাকী লোক।

উল্লেখযোগ্য যে আজি হাইলাকান্দি আৰু শিলচৰ ভ্ৰমণলৈ গৈছে মুখ্যমন্ত্ৰী হিমন্ত বিশ্ব শৰ্মা। শিলচৰত তিনিখনকৈ দলং উদ্বোধন কৰে মুখ্যমন্ত্ৰীয়ে। দুখন দলং বৰাক নদীৰ ওপৰত আৰু এখন সোণাই নৈৰ ওপৰত নিৰ্মাণ কৰা হৈছে। শিলচৰৰ ডিএছএ খেলপথাৰত এক জনসভাতো অংশগ্ৰহণ কৰে মুখ্যমন্ত্ৰীয়ে।

তাৰ পিছতে হাইলাকান্দিত উপস্থতি হয় মুখ্যমন্ত্ৰী। হাইলাকান্দিৰ এছ এছ কলেজত প্ৰাক্তন প্ৰধানমন্ত্ৰী অটল বিহাৰী বাজপেয়ীৰ এক প্ৰতিমূৰ্তি উন্মোচন কৰিব মুখ্যমন্ত্ৰীয়ে। তাৰ পিছতে এক জনসভাত অংশগ্ৰহণ কৰিব মুখ্যমন্ত্ৰীয়ে।